ڕیکلامێن ChatGPT بەرەڤ سیستەمەکێ پێشکەفتیتری یێ ڕیکلامێ دچن؛ زێدەکرنا Automated Bidding و Platform Targeting چەوا دێ کێبەرکێیا OpenAI ل گەل Google Ads و Meta Ads مەزنتر کەت؟
OpenAI گاڤەکا دی بەرەڤ ئاڤاکرنا پلاتفۆڕمەکا تەمامتر یا ڕیکلامێ دهاڤێژیت. ChatGPT Ads تایبەتمەندیێن نوی یێن وەکی Automated Bidding، Platform Targeting و View-through Conversion Measurement زێدە دکەت، کو ڕێکێ ددەن ڕیکلامدەران کەمپینێن خۆ ب شێوەیەکێ وردتر بڕێڤە ببەن و ئەنجامێن وان بپێڤن.
ئێک ژ گرنگترین گوهۆڕینان، زێدەکرنا ستراتیژیا Maximize Results ـە. ب ڤێ شێوەیێ، سیستەمێ ChatGPT Ads دشێت نرخێن پێشنیارکرنێ یان Bid ب شێوەیەکێ ئۆتۆماتیکی بگوهۆڕیت، دا کو د ناڤ بودجەیا دیارکریدا پتر ئەنجامێن دخوازین بەدەستڤە بینیت.
ئەڤ ئاراستە زۆر نێزیکی وێ model ـێ یە کو Google Ads و Meta Ads ژ ساڵان ڤە پەرە پێ ددەن: کێمکرنا دەستکاریا مرۆڤی د bidding ـێ دا و پشتبەستنەکا پتر ب algorithm ـێ بۆ optimization ـێ.
گوهۆڕینا دووێ Platform Targeting ـە. ڕیکلامدەر دشێت دیار بکەت کو کەمپینا وی ل سەر iOS، Android یان Web بهێتە نیشاندان. ئەڤە ب تایبەتی بۆ وان براندان گرنگە یێن کو بەکارهێنەرێن وان ل سەر پلاتفۆڕمێن جودا ڕەفتارێن جودا هەنە.
هەروەسا View-through Conversion ڕێکێ ددەت marketer ـی کو کارتێکرنا وان ڕیکلامان بپێڤیت یێن بەکارهێنەری دیتین، لێ د هەمان دەمدا کلیک ل سەر نەکرین و پاشی conversion ـەک ئەنجام دای.
ئەڤ گوهۆڕینە نیشان ددەن کو ChatGPT Ads هێدی هێدی ژ سیستەمەکا سادە یا نیشاندانا ڕیکلامان بەرەڤ پلاتفۆڕمەکا performance advertising دچیت.
لێ جوداهیا سەرەکی یا ChatGPT ژ Google و Meta ئەو جهێ یە کو ڕیکلام تێدا دهێتە نیشاندان.
ل Google، ڕیکلام زۆرجاران دەمێ بەکارهێنەر ل وشە یان بابەتەکێ دیارکری دگەڕیت دەرکەڤیت. ل Meta، ڕیکلام زێدەتر د ناڤ Feed، Stories و Reels ـێ دا دهێتە نیشاندان. لێ ChatGPT دشێت ڕیکلامێ د ژینگەهەکا گفتوگۆیێ دا نیشان بدەت، ل وێرێ بەکارهێنەر پرسیاران دکەت، هەڵبژاردان بەرەڤ هەڤ ددەت و نێزیکی بریاردانێ دبیت.
ئەڤە دشێت بۆ براندان جۆرەکێ نوی یێ Intent-based Advertising دروست بکەت.
لێ پرسیارا مەزن ئەڤەیە: ئەرێ ئەڤ گوهۆڕینە ChatGPT Ads دکەنە کێبەرکێیەکێ ڕاستەقینە بۆ Google Ads و Meta Ads؟
هێشتا زووە کو وەڵام «بەلێ» بیت.
Google و Meta سیستەمێن خۆ یێن ڕیکلامێ ل سەر بنەمای ساڵان داتا، bidding، targeting، attribution و measurement ئاڤا کرینە. ChatGPT Ads بەراورد ب وان هێشتا پلاتفۆڕمەکا نوی یە.
بۆ کو بشێین ب بەڵگە بێژین ChatGPT Ads بوویە کێبەرکێیەکێ ڕاستەقینە یێ Google Ads و Meta Ads، پێدڤی ب داتایێن پتر هەیە دەربارەی reach، conversion rate، cost per acquisition، ROAS و adoption ـا ڕیکلامدەران.
لێ تشتەک ڕوونە: OpenAI گاڤ ب گاڤ وان ئامرازان ئاڤا دکەت یێن پێدڤی، دا کو ChatGPT ژ جهەکێ تەنێ بۆ وەرگرتنا بەرسڤان بگوهۆڕیت بۆ کەناڵەکێ نوی یێ مارکێتینگ و ڕیکلامێ.
کێبەرکێ ئیدی تەنێ ل سەر وێ چەندێ نینە کو کی دشێت سەرنجا کریاری بەدەست بێنیت؛ بەڵکو ل سەر وێ چەندێ ژی یە کو کی د وی دەمیدا ئامادەیە کو کریار بریار ددەت.
