Serdema peredanê ya tenê li gorî hejmara şopêneran ber bi dawiyê ve diçe; çima brand di Creator Marketingê de zêdetir daxwaza encam û ROI dikin?
Bi salan, hejmara şopêneran tenê pîvera diyarkirina qebare û nirxê çêkerên naverokê (Creators) bû. Lê îro, bi geşbûna bilez a "Aboriya Çêkeran" (Creator Economy) û zêdebûna xerciyên brandan re, pirsa mezin guheriye: Ev çêker li hember wê budceya ku pê tê dayîn, çi nirxeke bazirganî ya rasteqîn ji bo brandê vedigerîne?
Xeyalê hejmarên mezin li hember baweriyê Xwediyê milyonek şopêner ku nikaribe têkilî û peywendiyeke bihêz bi temaşevanên xwe re çêbike, nirxeke wisa ji bo brandan nîne, bi taybetî heger cemawerê wî bi armanca karsaziyê re negunce. Li hember vê, çêkerekî biçûk (Micro-Influencer) bi 50 hezar şopêneran, heger xwediyê baweriya kûr a cemawerê xwe be, gelek zûtir dikare temaşevanên xwe ber bi kirînê ve araste bike. Êdî pîver tenê "gihiştin" (Reach) nîne, belkî "şiyana qanîkirin û bandorê ye" (Impact).
Veguhestina ji qerebalixiyê ber bi encamê ve (ROI) Di paşerojê de, like, comment û dîtin bes bûn ji bo nirxandina serkeftina kampanyayekê. Lê niha rêveberên marketingê daxwaza encamên berçav (konkrêt) dikin. Hevkêşe ji: (Follower → Reach → Engagement) ve bi lez tê veguhestin bo: (Conversion → Sales → ROI). Pirs ev in: Çend serdanker hatin? Çend firotin çêbûn? Têçûya bidestxistina her kirryarekê (CAC) çend bû? Li hember her dolarekî çend vegeriya?
Rastkirina nirxê bazarê (Economic Correction) Ev guherîn nayê wateya "hilweşîna aboriya çêkeran", belkî pêdaçûneke lojîkî ya nirxan e. Dema ku çêkerek 20 hezar dolar ji bo postekê daxwaz dike, tenê hebûna hejmareke zêde ya şopêneran têrê nake ji bo rewakirina wî nirxî. Divê belgeyeke selmîner hebe ku dikare firotin an nirxeke hevtayî wê çêbike, heger na wê bikeve bin fişara kêmûna daxwaziyan de.
Rola dane û jiriya destkird (AI) di guherîna lîstikê de Amûrên nû yên şîkariya daneyan û jiriya destkird, rê didin brand û ajansên marketingê ku bi hûrgilî daneyên çêkeran binirxînin. Biryardan ji "ev kes naskirî ye" guheriye bo "daneyên vî kesî çi dibêjin?". Ev jî çêkeran neçar dike ku li şûna qebareya cemawer, qalîteya cemawer (Audience Quality) û encamên berê yên kampanyayên xwe nîşan bidin.
Serdema influencer marketingê bi dawî nebûye, belkî ji bazareke nû û tije coş, bûye pîşesaziyeke pêgihîştî ku tê de dane û qezenc axaftina yekem dikin. Pirsa biryarderan êdî ne "çend şopênerên te hene?" ye, belkî ev e: "Çend kes bi rastî guh didin te û ew bawerî çawa dibe qezenc ji bo karsaziya min?
