Marketing
Dersake girîng a avakirina marqeyê: Fanta çawa hewl dide ku di dema Krîsmisê de bibe semboleke Coca-Cola, mîna rola wê di cejna Halloweenê de?
Fanta stratejiyeke demdirêj ji bo Halloweenê heye: Li şûna ku her sal pêngaveke reklamî ya nû drust bike û piştî Halloweenê bi dawî bibe, dixwaze Halloweenê biguherîne bo beşek ji nasnameya branda xwe. Ji bo vê mebestê, Fanta cîhaneke taybet bi navê Gerdûna Tarmayiyên Fanta drust kiriye û çar kesayetiyên resen yên xwe xistine nav vê cîhanê. Hizr ev e ku ev kesayetî û çîrok tenê ji bo pêngaveke çend hefteyî nebin, belkî sal bi sal geş bibin û bibin bîngeha naverok, berhem, ezmûn, hevbeşî û çîrokên nû. Fanta bi salan e ji kesayetiyên naskirî yên cîhana tirsê mifa wergirtiye, lê niha pêngaveke girîngtir davêje: Ji bikarhênera mafê xawendariya hizrî ya kesên din, ber bi drustkirina xawendariya hizrî ya xwe ve diçe. Armanc jî mezin e. Fanta dixwaze peywendiyeke demdirêj di navbera brandê û Halloweenê de drust bike, her wekî wê peywendiya ku Coca-Cola di dema çendîn dehsalan de li gel Christmasê drust kiriye. Li vir waneyeke girîng a avakirina brandê heye: Pêngava reklamî bi dawî dibe, lê kesayetî û çîrok dikarin bibin samana brandê. Eger kiriyar her sal çaverê be bizane Fanta dê ji bo Halloweenê çi bike, brand êdî ne tenê reklamê dike; belkî çaverêbûnê drust dike. Ev jî cudahiyeke mezin e. Çimkî di kirrûbirra klasîk de brand her sal hewl dide sernica xelkê bikire; lê di avakirina branda demdirêj de, armanc ev e samanekê drust bikî ku xelk bi xwe çaverêyî vegera wê bin. Fanta ne tenê ji bo Halloweenê reklamê dike; hewl dide bibe beşek ji Halloweenê.
