Dawiya serdemekê; çima McDonald’s piştî 32 salên girêbestê, dawî bi sponsoriya xwe ya Kûpaya Cîhanî (Mondyal) anî?
«Piştî 32 salan ji hevbeşiyeke dîrokî, kompanyaya McDonald’s biryar da dawiyê bi sponsoriya xwe ji bo Kûpaya Cîhanî ya FIFA (FIFA World Cup) bîne; biryarek ku pê diçe nîşaneya guhertineke gelek mezintir be di stratejiya marketînga brandên cîhanî de.»
Xala balkêş ew e ku di Mondyala 2026an de, McDonald’s mezintirîn kempîna dîroka xwe ji bo Kûpaya Cîhanî birêve bir, ku zêdetirî 110 welatan li xwe girt. Lê Ian Borden, berpirsê darayî yê kompanyayê, ragihand; her çend kempînê wizeyeke baş drust kir û alîkariya biznesê kir, lê encama wê ne di asta çaverêkirina kompanyayê de bû.
Ev jî pirsiyareke stratejîk ji bo paşeroja marketînga werzişî (Sports Marketing) drust dike: Gelo sponsoriyên zebeleh û giranbiha hîn jî heman bihayê berê ji bo brandan mane?
Mondyala 2026an bi tenê zêdetirî 10 milyar dolar xerciya reklama cîhanî dikişand, li gel 2.8 milyar dolar ku FIFA ji 20 sponsorên fermî wergirt. Di vê jîngeha qerebalix de, brandan pêşbirk dikirin li gel hezaran peyamên din ji bo kişandina heman serncê. Niha McDonald’s arasteyê modela marketînga xwe diguhere û zêdetir serncê dixe ser platforman û xwedandariya hizrî ya xwe (Intellectual Property), wate weberhênan di tiştekî de ku bi xwe xwediyê wê be û kontrola temam li ser hebe.
Wane ji bo marketêran çî ye? Wane gelek rûn e: Mezintirîn rûdaw (Event) herdem bi wateya mezintirîn qazanc (Return) nayê.
Di serdema aboriya drustkeran de (Creator Economy), medya civakî û marketînga pişbestî bi encaman (Performance Marketing), pirsiyara brandan êdî ne tenê ew e ku «Çend milyon kes reklama me dibînin?». Belkî pirsiyara herî girîng ev e: «Ew sernc çi bihayekî rasteqîn ji bo brand û biznesa me drust dike?»
