مارکێتینگ لە هەرێمی کوردستان لەبەردەم تاقیکردنەوەیەکی گەورە دایە؛ داواکاری بۆ دروستکردنی ناوەڕۆک بە زمانی کوردی لە بەرزبوونەوە دایە."
لە ماوەی ڕۆژانی ڕابردوودا، بابەتی بەکارهێنانی زمانی کوردی لە ڕیکلام و مارکێتینگ بووەتە یەکێک لە گفتوگۆکانی بواری میدیا و براندسازی لە هەرێمی کوردستان. هەندێک پسپۆڕ و نووسەر ئاماژەیان بەوە کردووە کە زیادبوونی ڕیکلام بە زمانەکانی تر، دەتوانێت کاریگەری لەسەر ناسنامەی براندە کوردییەکان و پەیوەندییان لەگەڵ کڕیارە ناوخۆییەکان هەبێت.
پسپۆڕانی مارکێتینگ پێیان وایە براندەکان ئەگەر دەیانەوێت متمانە و دڵسۆزی کڕیار زیاد بکەن، پێویستە ناوەڕۆکی زیاتر بە زمانی کوردی و بە شێوازێکی گونجاو لەگەڵ کولتووری ناوخۆ بەرهەمبهێنن. ئەم ڕێبازە تەنها بۆ پاراستنی ناسنامەی براند گرنگ نییە، بەڵکو دەتوانێت ڕێژەی بەشداری، هاوبەشبوون و کاریگەری کەمپینە دیجیتاڵییەکانیش بەرز بکات.
هەمان کات، گەشەی بازاڕی دیجیتاڵی هەرێمی کوردستان و زیادبوونی بەکارهێنانی تۆڕە کۆمەڵایەتییەکان وای کردووە براندەکان زیاتر لە پێشوو سەرمایە لەسەر Content Marketing، Influencer Marketing و Video Marketing بکەن. ئەو ترێندە نیشان دەدات کە ناوەڕۆکی ناوخۆیی و زمانی کوردی دەتوانێت ببێتە یەکێک لە گرنگترین هۆکارەکانی سەرکەوتنی کەمپینەکانی مارکێتینگ لە هەرێم.
