
Paradoksa hişê çêkirî; Çima bikaranîna teknolojiyê nebûye sedema kêmkirina budceyên bazargerîyê?
Gelo bikaranîna jîrokiya çêkirî di kirrûbirrê de herdem dibe sedema kêmkûna xerckirinan? Vekolîneke nû ya kompanyaya 10Fold, ku di 17ê Mijdarê de hatiye belavkirin, vê pirsiyarê tîne ziman. Di vekolînê de, rapirsî li gel 400 birêveberên kirrûbirrê yên kompanyayên teknolojî li Amerîka û sê welatên Ewropî hatiye kirin. Encam balkêş in. 80% ji beşdaran çaverê dikin budceya wan a kirrûbirrê di sala 2027an de were zêdekirin. Lê çima, dema jîrokiya çêkirî dikare hindek karan leztir û erzantir bike? Li gorî rapirsiyê, nîvê beşdaran dibêjin jîrokiya çêkirî xerckirinên karên kirrûbirrê kêm kirine. Lê 34% ji wan dibêjin xerckirinên wan zêde bûne, çimkî bikaranîna jîrokiya çêkirî xerckirinên nû hene; wekî kirîna nermalavan (software), rahênana karmendan û çavdêriya mirovî. Xaleke din a balkêş ev e ku 42% ji beşdaran plana zêdekirina karmendan hene û 36% ji wan dixwazin budceya ajansên kirrûbirrê zêde bikin. Ev encam nîşan didin ku jîrokiya çêkirî, qet nebe di nav van kompanyayan de, bi şêweyekî yeksan xerckirin kêm nekirine. An bi yek hukmê kurt: «Jîrokiya çêkirî dikare karan leztir bike, lê leztirkirina kar herdem bi wateya kêmkirina koma xerckirinan nîne; belkî gelek caran pêwîstî bi weberhênaneke zêdetir e ji bo bi destxistina derfetên nû.»













