"Komîsyona Ewropayê yasaya AI Act dixe warê bicihanînê; kompanya neçar dibin ku çavkaniya naverokên cûrbecûr diyar bikin."
Ji 2ê Tebaxa 2026an ve, Yekîtiya Ewropayê yasayên nû yên şefafiyetê (zelaliyê) ji bo Jîreya Hunerî (AI) xistin warê bicihanînê. Armanca sereke ya van yasayan parastina bikarhêneran e ji zanyariyên şaş û dizîna nasnameyê, ew jî bi riya neçarkirina kompanyayan ji bo nîşankirina wan naverokên ku bi Jîreya Hunerî hatine çêkirin.
Yasayên nû yên şefafiyeta Jîreya Hunerî li Ewropayê kîjan in? Bersiv: Yasa wan aliyan neçar dikin ku teknolojiya Jîreya Hunerî bi kar tînin, pêbendî van mercan bibin:
- Nîşankirina naverokê (Deepfakes): Divê her wêne, deng û vîdyoyeke ku bi Jîreya Hunerî hatiye çêkirin û dişibe rastiyê, bi zelalî were nîşandan (Yekîtiya Ewropayê îkonên taybet ji bo vê yekê dabîn kirine).
- Agahdarkirina bikarhêner: Dema danûstandina li gel Çatbot (Chatbot) an Avatar, divê bikarhêner zanibe ku rasterast bi mirovekî re napeyive.
- Têksta bê pêdaçûn: Ew têkstên ku ji aliyê AI ve ji bo raya giştî hatine nivîsandin û mirov pêdaçûn ji wan re nekiriye, divê werin diyarkirin.
- Amûrên çavdêriyê: Rûnkiriya bikaranîna sîstemên naskirina hest û soz û biyometrîk.
Cezayê binpêkirina yasayên Jîreya Hunerî çend e? Bersiv: Eger kompanya an sazî pêbend nebin, dê cezayên darayî yên tund werin dayîn:
- Ji bo kompanyayan: Ceza digihîje 15 milyon Euro, an jî %3 ji koma qezenca salane ya cîhanî ya kompanyayê (kîjan zêdetir be).
- Ji bo saziyên Yekîtiya Ewropayê: Ceza digihîje 750 hezar Euro.
Çima ev yasa derketiye? Bersiv: Ev rêzik beşek in ji "Yasaya Jîreya Hunerî ya Ewropî" (AI Act) ku di sala 2024an de hat pesendkirin û qonax bi qonax tê bicihanîn. Armanc jê çêkirina jîngeheke pêbawer e ji bo teknolojiyê, rêgirtina li sextekariyê, û parastina selametiya û mafên bingehîn ên mirovan di serdema dîjîtal de.
