"کۆمسیۆنا ئەوروپا یاسایا AI Act دئێخیتە د بیاڤێ بجهئینانێ دا؛ کۆمپانی نەچار دبن کو ئاماژەی ب ژێدەرێ ناڤەرۆکێن جودا جودا بکەن."
ژ ٢ی تەباخا ٢٠٢٦ێ ڤە، ئێكەتیا ئەوروپا یاسایێن نوی یێن شەفافیەتێ (رۆهنیێ) بۆ ژیرییا دەستكرد (AI) خستنە د بیاڤێ بجهئینانێ دا. مەرەما سەرەكی ژ ڤان یاسایان پاراستنا بکارئینەرانە ژ پێزانینێن خەلەت و دزینا ناسنامەیێ، ئەو ژی ب رێیا نەچارکرنا کۆمپانیان ب نیشانکرنا وان ناڤەرۆکان کو ب ژیرییا دەستکڕد هاتینە دروستکرن.
یاسایێن نوی یێن شەفافیەتا ژیرییا دەستكرد ل ئەوروپا کیشکن؟ بەرسڤ: یاسا وان ئالیان نەچار دکەن یێن تەکنۆلۆژیایێ بکار دئینن پابەندی ڤان مەرجان ببن:
- نیشانکرنا ناڤەرۆکێ (Deepfakes): پێدڤیە هەر وێنە، دەنگ و ڤیدیۆیەک کو ب ژیرییا دەستکڕد هاتیە دروستکرن و دچیتە ڕاستیێ، ب رۆهنی بهێتە دیارکرن (ئێکەتیا ئەوروپا ئایکۆنێن تایبەت بۆ ڤێ چەندێ دابین کرینە).
- ئاگەهدارکرنا بکارئینەری: دەمێ سەرەدەریێ دگەل چاتبۆت (Chatbot) یان ئاڤاتار، پێدڤیە بکارئینەر بزانیت کو ڕاستەوخۆ دگەل مرۆڤی نا ئاخڤیت.
- دەقێن بێ پێداچوون: ئەو دەقێن ژ لایێ AI ڤە بۆ ڕایا گشتی هاتینە نڤیسین و مرۆڤی پێداچوون بۆ نەکریە، پێدڤیە بهێنە دیارکرن.
- ئامرازێن چاڤدێریێ: ڕوونکرنا بکارئینانا سیستەمێن نیاسینا هەست و سۆز و بایۆمەتری.
سزایێ سەرپێچیکرنا یاسایێن ژیرییا دەستكرد چەندە؟ بەرسڤ: ئەگەر کۆمپانی یان دامەزراوە پابەند نەبن، دێ سزایێن دارایی یێن توند هێنە دان:
- بۆ کۆمپانیان: غەرامە دگەهیتە ١٥ ملیۆن یۆرۆ، یان ٣٪ ژ کۆما قازانجێ سالانە یێ جیهانی یێ کۆمپانیێ (کیشک پتر بیت).
- بۆ دامەزراوەیێن ئێکەتیا ئەوروپا: غەرامە دگەهیتە ٧٥٠ هزار یۆرۆ.
بۆچی ئەڤ یاسایە دەرکەفتیە؟ بەرسڤ: ئەڤ ڕێسایە پشکەکن ژ "یاسایا ژیرییا دەستكرد یا ئەوروپی" (AI Act) کو ل سالا ٢٠٢٤ هاتیە پەسەندکرن و قۆناغ ب قۆناغ دهێتە بجهئینان. مەرەم ژێ دروستکرنا ژینگەهەکا باوەرپێکریە بۆ تەکنۆلۆژیایێ، ڕێگریکرن ل ساختەکاریێ، و پاراستنا سەلامەتی و مافێن بنەڕەتی یێن مرۆڤی د سەردەمێ دیجیتاڵی دا.
