دوماهیکا سەردەمێ کەمپینێن کلاسیک: چاوا Netcore.ai پێشەنگیا شۆرەشا «بازارکرنا سەربخۆ» دکەت
سەردەمێ بڕێڤەبرنا کەمپینێن بازارکرنێ ب دەستی و پشتبەستن ل سەر بڕیاردانێن بەردەوام یێن مرۆڤی، بەرەڤ دوماهیێ دچیت. پێشکەفتنێن زیرەکیا دەستکرد (AI) نە بتنێ ئامرازەکن بۆ هاریکاریا تیمێن بازارکرنێ؛ نوکە دشێن ب تەمامی پرۆسێسێ بڕێڤەببەن.د ڤی دەربارەی دا، ئێک ژ مەزنترین هەوالان د جیهانا Marketing Technology (MarTech) دا، ڕاگەهاندنا گوهۆرینەکا ستراتیژی یا مەزن بوو ژ لایێ ئێک ژ کۆمپانیێن زەلام د ڤی بواریدا.
ژ Netcore Cloud بۆ Netcore.ai: پتر ژ گوهۆرینەکا ناڤیکۆمپپانیا تەکنۆلۆژیا بازارکرنێ ب فەرمی ناڤێ خۆ ژ Netcore Cloud گوهۆڕی بۆ Netcore.ai. ل سەرەتایێ، دێ وەک گوهۆرینەکا سادە یا ناڤی دیار بیت، لێ د ڕاستیێ دا، ئەڤە ڕاگەهاندنا سەردەمەکێ ب تەمامی نوی یە د پیشەسازیێ دا کو پێ دهێت گۆتن «بازارکرنا بریکاری».ئارمانجا ڤێ هەنگاڤێ ئەوە کو زیرەکیا دەستکرد ببیتە بنەمایێ بڕیاردان و بڕێڤەبرنێ، نە بتنێ ئامرازەکێ لاوەکی.
«بازارکرنا بریکاری» چی یە؟ب کورتی، «بازارکرنا بریکاری» واتەیا وێ ئەوە کو دەستهەلاتا تەمام بهێتە دان ب AI بۆ پلانکرن، جێبەجێکرن، و شیکارکرنا کەمپینان بێی پێدڤی ب چاڤدێریا ڕاستەوخۆ یا مرۆڤی یان دەستوەردانێ.پلاتفۆرمە نوو یا Netcore.ai پشتێ ب ٧ بریکارێن AI گرێددەت. ئەڤ بریکارە وەک تیمەکا بازارکرنێ یا بێ وەسانی کار دکەن؛ ب بەردەوامی داتایان شیکار دکەن، باشترین دەم و ڕێک بۆ گەهشتن ب موشتەری هەلدبژێرن، و کەمپینان د دەمێ ڕاستەقینە دا باشتر لێ دکەن.
شۆرەشەک د مۆدێلا کاریدا: پشکداریکرن د قازانجێ دا ل جیێ کرێیەکا دیارکریئێک ژ خاڵێن هەرە سەرنجڕاکێش یێن ڤێ گوهۆرینێ نە بتنێ د تەکنۆلۆژیایێ دایە، بەلکو د وێ چەندێ ژی دایە کا چاوا کۆمپپانیا دگەل موشتەریێن خۆ کار دکەت.د مۆدێلا کلاسیک دا، براند کرێیەکا دیارکری ددانە ئاژانس یان سۆفتوێرێ بازارکرنێ، بێی کو گرنگیێ ب ئەنجامان بدەن. لێ، Netcore.ai ئەڤ هەڤکێشە گوهۆڕی! کۆمپپانیا نوکە دێ بیتە پشکدار د قازانج و ئەنجامێن کەمپینان دا دگەل براندان، ل جیێ وەرگرتنا کرێیەکا دیارکری. ئەڤە واتەیا وێ یە: ئەگەر تەکنۆلۆژیا سەرکەفتی نەبیت د زێدەکرنا فرۆتن و قازانجان دا، کۆمپپانیا ژی قازانج ناکەت. ئەڤە مەزنترین بەلگەیە بۆ باوەرییا تەمام یا کۆمپانیایێ ب بریکارێن خۆ یێن AI.
