Apple Maps dikeve nav bazara reklama dîjîtal; deriyekî nû ji bo Local Marketing vedibe û pêşbaziya bi Google Maps re dijwartir dibe
Apple bi fermî xizmeta "Ads on Apple Maps" daye destpêkirin û bi vê gavê re, Apple Maps ji amûreke nexşe û dîtina cihan, ber bi platformeke nû ya reklama dîjîtal ve diçe. Di qonaxa niha de, ev xizmet ji bo karsaziyên li Amerîka û Kanadayê berdest e.
Sîstema nû rê dide karsaziyên xwemalî (herêmî) ku di wê demê de bigihîjin mişteriyan ku ew bi awayekî çalak li cih, berhem, an xizmetguzariyekê digerin. Reklam dikarin li serî lîsteya encamên lêgerînê yên têkildar an jî di beşa "Suggested Places" de derkevin.
Apple dibêje, cihê derketina reklamê bi awayekî xwebexş (otomatîk) li gorî cureyê karsaziyê û tiştê ku bikarhêner lê digere tê diyarkirin.
Ev gav ji bo Local Marketing girîng e, ji ber ku Apple dibêje mehane zêdetirî milyarek lêgerînên têkildarî karsaziyan li ser Apple Maps tên kirin û nêzîkî yek ji her du lêgerînan ji bo karsaziyekê, dibe sedema çalakiyekê ji aliyê bikarhêner ve. Wate, reklamker dikare di demek nêzîkî biryara kirîn an seredanê de bigihîje mişterî.
Mînak, heke bikarhênerek li ser Apple Maps li restorant, qehwexane, hotêl an xizmetguzariyeke xwemalî bigere, karsaziyeke reklamker dikare di cîhekî diyar û berçavtir di encaman de derkeve. Apple her wiha rê dide karsaziyan ku wêne û peyamên promosyonê zêde bikin û budceya kampanyayên xwe diyar bikin.
Di warê taybetmendiya datayan (nepenî) de, cudahiyeke girîng heye: Apple dibêje "Personalized Ads" li ser Apple Maps nayên piştgirîkirin û reklamên Maps contextual in. Wate ev xizmet nabe bi tenê wekî sîstemeke behavioral targeting bê dîtin. Ev beşek e ji hewldana Apple ji bo hevsengkirina reklamê li gel siyaseta parastina nepeniyê.
Ji aliyê bazarkirinê ve, Apple Maps niha kanaleke nû ji bo Paid Local Search dirust dike. Ev yek bi taybetî ji bo restorant, firoşgeh, hotêl û karsaziyên xizmetguzarî yên xwemalî girîng e, ji ber ku dikarin di wê kêliyê de reklamê nîşanî mişterî bidin ku hewcedariya wî bi cih an xizmetekê heye.
Lê belê, gotina vê wekî «şerekî wekhev li gel Google Maps» hê zû ye. Rastî ev e ku Apple kanaleke nû ya Local Ads vekiriye; şîrove ev e ku heke xizmet ji bo welatên zêdetir bê berfirehkirin û reklamker bi awayekî berfireh bikar bînin, dikare zextê li ser pêgeha Google di Local Search û Local Advertising de zêde bike.
