ئەپل ماپس (Apple Maps) دکەڤیتە ناڤ بازاڕێ ڕیکلاما دیجیتال؛ دەرگەهەکێ نوو ژ بۆ مارکێتینگا لۆکال (Local Marketing) ڤەدبیت و هەڤڕکیا دگەل گووگل ماپ (Google Maps) دژوارتر دبیت
ئەپل ب فەرمی خزمەتگوزاریا "Ads on Apple Maps" دەستپێکریە و ب ڤێ گاڤێ ئەپل ماپس ژ ئامرازەکێ نەخشە و دیتنا جهان، بەرڤ پلاتفۆرمەکا نوو یا ڕیکلاما دیجیتال دچیت. د قۆناغا نها دا، ئەڤ خزمەتگوزاریە ژ بۆ بزنسێن ل ئەمریکا و کەنەدا بەردەستە.
سیستەمێ نوو ڕێ ددەتە بزنسێن خۆجهی کو د وێ دەمێ دا بگەهنە مشتەریان کو ئەڤ ب ئاوایەکێ چالاک ل جهـ، بەرهەم، یان خزمەتگوزارییەکێ دگەڕیت. ڕیکلام دکارن ل سەرێ ئەنجامێن لێگەڕیانێن گرێدایی یان ژی د بەشێ "Suggested Places" دا دەربکەڤن.
ئەپل دبێژیت، جهێ دەرکەڤتنا ڕیکلامێ ب ئاوایەکێ ئۆتۆماتیک ل گۆرەی جۆرێ بزنسێ و تشتێ کو بکارئینەر لێ دگەڕیت دهێتە دیارکرن.
ئەڤ گاڤە ژ بۆ Local Marketing یا گرنگە، چونکو ئەپل دبێژیت مەهانە پترتر ژ ملیارەک لێگەڕیانێن گرێدایی ب بزنسان ل سەر Apple Maps دهێنە کرن و نێزیکی ئێک ژ هەر دوو لێگەڕیانان ژ بۆ بزنسەکێ، دبیتە سەدەمێ چالاکییەکێ ژ لایێ بکارئینەری ڤە. ئانکو، ڕیکلامکەر دکاریت د دەمەکێ نێزیکی بڕیارا کڕین یان سەرەدانێ دا بگەهیتە مشتەری.
بۆ نموونە، ئەگەر بکارئینەرەک ل سەر Apple Maps ل ڕێستۆرانت، کافی، هۆتێل یان خزمەتگوزارییەکا خۆجهی بگەڕیت، بزنسەکا ڕیکلامکەر دکاریت د جهەکێ دیارتر یێ ئەنجامان دا دەربکەڤیت. ئەپل هەروەسا ڕێ ددەتە بزنسان کو وێنە و پەیامێن پرۆمۆشنێ زێدە بکەن و بودجەیا کەمپینێن خۆ دیار بکەن.
د وارێ تایبەتمەندیا داتایان (نەپەنی) دا، جوداهییەکا گرنگ هەیە: ئەپل دبێژیت "Personalized Ads" ل سەر Apple Maps ناهێنە پشتگریکرن و ڕیکلامێن Maps ـێ Contextual ـن (ل گۆرەی ناڤەڕۆکێ نە). ئانکو نابیت ئەڤ خزمەتگوزاریە ب ساناهی وەکی سیستەمەکێ behavioral targeting بهێتە دیتن. ئەڤە بەشەکە ژ بزاڤا ئەپل ژ بۆ هەڤسەنگکرنا ڕیکلامێ ل گەل سیاسەتا پاراستنا تایبەتمەندیێ.
ژ ڕوانگەها مارکێتینگێ ڤە، Apple Maps نها کەناڵەکێ نوو ژ بۆ Paid Local Search دروست دکەت. ئەڤ یەکە ب تایبەتی ژ بۆ ڕێستۆرانت، فرۆشگەهـ، هۆتێل و بزنسێن خزمەتگوزاری یێن خۆجهی گرنگە، چونکو دکارن د وێ گاڤێ دا ڕیکلامێ نیشانی مشتەری بدەن کو پێدڤی ب جهـ یان خزمەتەکێ هەیە.
لێ بەلێ، بەحسکرنا ڤێ یەکێ وەکی «شەڕەکێ یەکسان ل گەل Google Maps» هێشتا زویە. ڕاستی ئەڤەیە کو ئەپل کەناڵەکێ نوو یێ Local Ads ڤەکریە؛ شرۆڤە ئەڤەیە کو ئەگەر خزمەتگوزاری ژ بۆ وەلاتێن زێدەتر بهێتە بەرفرەهکرن و ڕیکلامکەر ب ئاوایەکێ بەرفرەهـ وەرگرن، دکاریت فشارێ ل سەر پێگەهێ Google د Local Search و Local Advertising دا زێدە بکەت.
