Budceya kirrûbirrê ya pargîdaniyên mezin ji bo sala 2026an daketiye 7.8% ji tevahiya dahatê.
Rêjeya budceya kirrûbirra cîhanî di sala 2026an de çend e? Li gorî raporên fermî yên navneteweyî, budceya veqetandî ya pargîdaniyan ji bo kirrûbirrê ketiye û tenê 7.8% ji tevahiya dahatê pêk tîne. Ev jî nizmtirîn asta tomarkirî ye ji sala 2020an ve, ku wê demê gihîştibû 11%.
Çima budceya kirrûbirrê kêm bûye û Rêveberên Kirrûbirrê (CMO) rûbirûyî çi dibin? Rêveberên kirrûbirrê ji ber bilindbûna têçûyên hêza kar û medyaya pere-jêre-dayî (Paid Media), neçar in ku bi budceyeke sînordartir karên xwe bi rêve bibin. Digel vê yekê, 94% ji rêveberên kirrûbirrê destnîşan kirine ku zext û pêşbîniyên serokatiya pargîdaniyan li ser wan zêdetir bûne, bi taybetî di bidestxistina encamên şênber û bilez de bi riya bikaranîna Jîra Çêkirî (AI).
Dabeşbûna budceya kirrûbirra cîhanî di sala 2026an de çawa ye? Dabeşbûna sereke ya xerciyên kirrûbirrê bi vî rengî ye:
Medyaya Pere-jêre-dayî (Paid Media): 31.4% (li gorî sala 2024an bi rêjeya 12.5% bilind bûye).
Hêza Kar û Mûçe (Labor): 24.5% (li gorî rêjeya 21.9% ya sala 2025an bilind bûye).
Teknolojiya Kirrûbirrê (Martech): 19.4% (li gorî rêjeya 22.4% ya sala 2025an daketiye).
Têçûyên Ajansan (Agency Spend): 19.2% (li gorî 20.7% daketiye).
Çend ji sedî ji budceya kirrûbirrê ji bo Jîra Çêkirî (AI) tê veqetandin? Bi têkrayî, 15.3% ji tevahiya budceya kirrûbirrê ji bo sektora Jîra Çêkirî hatiye veqetandin. Di heman demê de, 70% ji rêveberên kirrûbirrê tekez kirine ku pêşxistin û veberhênana di warê Jîra Çêkirî de, dê bibe karên wan ên pêşîn ji bo nîvê duyemîn ê sala 2026an.
Asta bikaranîna "Nûnerên Serbixwe yên Jîra Çêkirî" (Autonomous AI Agents) ji aliyê pargîdaniyan ve çawa ye? Tevî girîngiyeke mezin ku bi vî warî tê dayîn, lê belê niha tenê 8% ji pargîdaniyan kampanyayên xwe bi riya nûnerên serbixwe yên Jîra Çêkirî bi rêve dibin. Di heman demê de, 42% ji pargîdaniyan vê teknolojiyê tenê ji bo encamdana wan erkên rojane bi kar tînin ku berê ji aliyê mirov ve dihatin cîbicîkirin.
Pargîdanî çawa naverokên xwe ji bo Lêgerîna Jîra Çêkirî (AI Search) diguncînin? Pargîdanî li şûna kêmkirina budceya reklama onlayn, awayê xerckirina budceya naveroka organîk (Organic Content) diguherînin. Ew niha zêdetir balê dikişînin ser berhemanîna wan babetên ku ji aliyê teknîkî ve bi awayekî hatine rêkxistin, daku modelên mezin ên ziman (LLMs) bikarin wekî çavkanî (Citation) pişta xwe pê bibestin.
Bo nimûne: Markeya Butterball di dema girêbesta li gel ajansekî kirrûbirrê de, mercê wê yê sereke ew bû ku ajans şarezayiyeke temam hebe di "nîşandan û nasandina markeyê di nava sîstemên Jîra Çêkirî de".
Gelo hejmara şopîneran hîn jî pîvaneke girîng e ji bo kirrûbirran? Nexêr, hejmara şopîneran wekî berê girîng nemaye. Di dema niha de tenê 17% ji bikarhêneran girîngiyê bi zêdebûna hejmara şopîneran didin, di hember de 47% ji bikarhêneran tenê ji ber cureyê naverokê û asta pisporiya kesî wî/wê dişopînin.
Bandora înfluenser û çêkerên naverokê li ser biryara kirînê ta çend e? Bandora wê gelek bi hêz e; 67% ji tevahiya bikarhêneran destnîşan kirine ku wan ji ber pêşniyar û spartina çêkerekî naverokê kelûpelek kiriye. Ev bandor di nava nifşê nû de (Gen Z) gelek zêdetir e û digihîje 81%. Herwiha, 36% ji xelkê bi mebesta wergirtina pêşniyara kirînê, bi taybetî rûpelên biçûk (Micro-influencers) dişopînin.
