Deepfake خەریکە باوەری ب Influencer Marketing ـێ لاواز دکەت؛ AI بێی ڕەزامەندییا Creator ـان ڕووخسارێ وان بۆ ڕیکلامێ بکار دئینیت
مەترسییەکا نوی د بازاڕێ Influencer Marketing ـێ دا هەر دچیت مەزنتر دبیت. ب پێشکەفتنا زیرەکییا دەستکرد، نوکە دروستکرنا وێنە و ڤیدیۆیێن ساختە ژ Creator و Influencer ـێن ناسکری زۆر ب ساناهیتر بوویە؛ هەتا هندەک جاران فۆڵۆوەر ژی نەشێن ب ساناهی جیاوازییێ د ناڤبەرا ناڤەڕۆکا ڕاستەقینە و یا ب AI هاتییە دروستکرن دا بکەن.
ڕاپۆرتەکا نوی یا The Guardian نموونەیا Emily Schuman دئینیت، Creator ـەکا ناسکری د بوارێ Lifestyle ـێ دا کو پتر ژ ٥٠٠ هەزار فۆڵۆوەرێن وێ ل Instagram ـێ هەنە.
Schuman د دەستپێکێ دا ڕیکلامەکا سپۆنسەرکری دیت کو وێنەیێ وێ تێدا هاتبوو بکارئینان و وەسا دیار دکر کو ئەو بەرهەمەکێ پەیوەندیدار ب GLP-1 پێشنیار دکەت. بەلێ د ڕاستییێ دا، وێ چ پەیوەندی ب وێ کۆمپانییێ یان ڕیکلامێ ڤە نەبوو.
پشتی هنگی نموونەیێن دی ژی دەرکەفتن. وێنە و ڤیدیۆیێن دەستکاریکری یێن وێ بۆ پێشخستنا براندەکا جوانکارییێ و کۆمپانییەکا تاقیکرنا خوینێ هاتنە بکارئینان، د دەمەکێ دا کو وێ بخۆ ئەڤ بەرهەم و خزمەتگوزاری پێشنیار نەکربوون.
بەلێ کێشە ل ڤێرێ بتنێ دزینا وێنەیێ Influencer ـەکی نینە.
بنەمایێ Influencer Marketing ـێ ل سەر باوەرییێ هاتییە ئاڤاکرن. فۆڵۆوەر باوەری ب Creator ـەکی دکەت و دەمێ دبینیت ئەو بەرهەمەکی پێشنیار دکەت، ئەڤ باوەرییە دشێت کاریگەرییێ ل سەر بریارا کڕینێ هەبیت.
بەلێ Deepfake ئەڤ پەیوەندییە دخەتە د بن مەترسییێ دا.
دەمێ AI دشێت ڕووخسار و شێوەیێ Influencer ـەکی بکار بینیت و وەسا نیشان بدەت کو ئەو بەرهەمەکی پێشنیار دکەت، بکارهێنەر ئێدی ب ساناهی نزانیت ئەو پێشنیارە ڕاستەقینەیە یان ساختەیە.
ئەنجام ژی بتنێ زیانێ ناگەهینیتە Creator ـەکی؛ بەڵکو دشێت باوەری ب براندان و ب گشتی ب Influencer Marketing ـێ ژی لاواز بکەت.
بۆ Creator ـان ژی بەرەنگاربوونا ڤێ کێشەیێ ب ساناهی نینە. The Guardian باس دکەت کو هندەک Creator ناچار دبن پۆست و ڕیکلامێن ساختە Report بکەن، داخوازا ژێبرنا وان بکەن یان هەتا بیرا خۆ ل هەنگاڤێن یاسایی بکەن. بەلێ دەمێ Deepfake ـەک دهێتە ژێبرن، دشێت نموونەیەکا دی ژ هەژمارەکا دی دەرکەڤیت.
هۆکارەکێ گرنگ ژی هەیە کو Creator و Influencer ـان دکەتە ئارمانجەکێ ب ساناهی بۆ Deepfake. بەشەکێ مەزن ژ ژیانا وان یا دیجیتاڵ ب وێنە و ڤیدیۆیان ل سەر ئینتەرنێتێ بەردەستە. ئەڤ ڕێژەیا زۆر یا ناڤەڕۆکا وێنەیی دشێت دروستکرنا وێنە و ڤیدیۆیێن ساختە یێن باوەرپێکراوتر ب ساناهیتر بکەت.
بۆ براندان ژی ئەڤە ئاگادارکرنەوەیەکا گرنگە. د پاشەڕۆژێ دا بتنێ هەلبژارتنا Influencer ـەکێ گونجای بەس نابیت؛ براند دڤێت بشێت بۆ بکارهێنەران بسەلمینیت کو هاریکاریا دگەل Creator ـی ڕاستەقینەیە و Creator ب ڕاستی ڕەزامەندی دایە کو وێنە و ناسنامەیا وی یان وێ بۆ ڕیکلامێ بهێتە بکارئینان.
لەورا Deepfake بتنێ کێشەیەکا تەکنەلۆژی نینە؛ هەر دچیت دبیتە کێشەیەکا باوەرییێ د مارکێتینگێ دا.
چونکی ئەگەر بکارهێنەر ئێدی نەشێت پشتڕاست بیت کا Influencer ـەکی ب ڕاستی بەرهەمەک پێشنیار کرییە، یان AI ب ناڤێ وی ڤە دئاخڤیت، ئێک ژ گرنگترین بنەمایێن Influencer Marketing ـێ دکەڤیتە د بن پرسیارێ دا:
د سەردەمێ Deepfake ـدا، بکارهێنەر چاوا دشێت پشتڕاست بیت کو ئەو کەسێ د ڕیکلامێ دا دبینیت، ب ڕاستی هەر ئەو کەسەیە؟
