سەلیقە ل شوینا پرۆمپتێ؛ بۆچی د سەردەمێ AI دا «هەلسەنگاندنا مرۆڤی» گرانبەهاترین شیانە؟
«ئەگەر ژیرییا دەستکرد بشێت د چەند خولەکەکێ دا ڕیکلامەکێ دروست بکەت، وێ مانایێ نادەت کو کڕیار حەتمەن دێ پەسەند کەت و قەبوولە!»
ڤەکۆلینەکا نوی یا (DoubleVerify) دیار دکەت کو ٤٧٪ ژ کڕیاران ل سەنگافۆرە دبێژن، ئەگەر براندەک ژیرییا دەستکرد (AI) بۆ دروستکرنا ڕیکلامەکا کێم‌کوالیتی، نامۆ یان نە سروشتی بکاربینیت، دیتن و بۆچوونا وان هەمبەر وێ براندێ دێ خرابتر لێ هێت.
ئەڤ داتایە خالەکا گەلەک گرنگ د پاشەڕۆژا مارکێتینگێ دا دئێخیتە ڕوو: پسیارا ستراتیژی ئێدی نە ئەوە کو «ئەرێ AI بکاربینین؟»، بەلکو پسیارا هەرە گرنگ ئەڤەیە: «ئەوێ AI دروست دکەت، ئەرێ هەژی ناڤێ براندا مەیە؟»
ڕاستە نۆکە AI دشێت وێنە، ڤیدیۆ، تێکست و ب دەهان جۆرێن ناڤەڕۆکێن داهێنەرانە (Creative) ب لەزاتییەکا زۆر و ب تێچوویەکێ کێم بەرهەم بینیت، لێ ب ساناھیبوونا بەرهەمئینانێ ب رامانا باشتربوونا ناڤەڕۆکێ نینە. ب بەرۆڤاژی ڤە، دەمێ ب هزاران براند بشێن هەمان تەکنەلۆژیا بکاربینن، خودی AI ئێدی نە خالەکا جوداکەرە.
ئەو چ یە یێ جوداهییێ دروست دکەت؟ ئەوێ براندەکێ ژ یا دی جودا دکەت؛ سەلیقە (Taste)، بڕیاردانا مرۆڤی (Human Judgment) و تێگەهشتنە ژ کەلتوور و هەستێ کڕیاری. پاشەڕۆژا مارکێتینگێ نە پێشبڕکێیا وێ یەکێ یە کێ زێدەتر AI بکار دئینیت؛ بەلکو پێشبڕکێیا وێ یەکێ یە کێ باشتر دشێت بەرهەمێ AI هەلسەنگینیت، کەنگی ڕەت بکەت، و بتنێ وێ هەلبژێریت کو ب تەمامی دگەل ناسنامەیا براندا وی دگونجیت.
لەوما د سەردەمێ AI دا، ئێک ژ ببهاترین شیانێن مارکێتەری ڕەنگە «نڤیسینا پرۆمپتێ - Prompt Writing» نەبیت، بەلکو «سەلیقە - Taste» بیت. چونکی هەرچەندە AI دشێت ناڤەڕۆکێ دروست بکەت، لێ هێشتا مرۆڤە یێ کو دڤێت بڕیارێ بدەت کیژ ناڤەڕۆک هەژی ناڤێ براندێ یە.
(تێبینی: ڕێژەیا ٤٧٪ تایبەتە ب داتایێن کڕیارێن سەنگافۆرە و نابیت وەکی پێوەرەکێ جیهانی بهێتە شڕۆڤەکرن، لێ ئاماژەیەکا بهێزە بۆ گوهۆڕینا ڕەفتارا کڕیاری).
