Dawiya serdema tikandinê; hişê çêkirî çawa Googleê neçar dike ku çavkaniya xwe ya herî mezin a dahatê biguherîne?

Ji bo zêdetirî bîst salan, yasaya lîstikê li ser înternetê gelek sade bû: Tu li peyvekê digerî, Google çendîn lînkan dide te, tu klîk dikî û kompanî jî drav didin. Lê niha jîrokiya çêkirî li ber e vê împratoriyetê bihejîne! Google bi lez vê teknolojiya nû dixe nav sîstema lêgerînê de, ev jî wisa kiriye ku bikarhêner li şûna lêgerîna li pey lînkan, rasteqîn pirsiyarên xwe yên aloz bikin û bersiveke amadekirî û komkirî werbigirin. Li vir pirsiyara tirsêner ji bo Google û reklamderan drust dibe: Dema xelk êdî hewceyî klîkkirinê nebin, reklam dê li ku were nîşandan û çawa drav dê jê were derxistin? Google ne tenê cihê reklamê diguherîne, belkî divê tevahiya sîstema pîvankirin û armancdarkirinê ji nû ve dabrêje. Ji bo pisporên kirrûbirrê jî, ev zengeke metirsîdar e. Qonaxa şerkirina li ser «çawa li Google pileya yekem bigirim» bi dawî dibe. Kêbaziya paşerojê li ser vê yekê ye: «Dema jîrokiya çêkirî bersiva kiriyar dide, çawa branda xwe bikim beşek ji wê bersivê?» Bi kurtî, jîrokiya çêkirî ne tenê şêwazê lêgerînê diguherîne, belkî tevahiya yasayên lîstikê di cîhana kirrûbirrê de serobino dike.