"TikTok بە AI شۆڕش لە ڕیکلامی ڤیدیۆیی دروست دەکات؛ ئامرازە نوێیەکان پڕۆسەی دروستکردنی ڕیکلام خێراتر دەکەن."
TikTok لە ٥ی ئابی ٢٠٢٦ ئامرازی نوێی خۆی بە ناوی Dreamina Seedance 2.5 ناساند، کە بە یارمەتی زیرەکی دەستکرد (AI) پرۆسەی دروستکردنی ڤیدیۆی ڕیکلامی بۆ مارکێتەر و براندەکان خێراتر و ئاسانتر دەکات. ئەم ئامرازە دەتوانێت تەنها بە نووسینی چەند وشەیەک وەک (Prompt) ، ڤیدیۆی پڕکوالێتی و ئامادە بۆ کەمپینە بازرگانییەکان بەرهەمبهێنێت. مەبەست لەم گۆڕانکارییە کەمکردنەوەی کات و تێچووی بەرهەمهێنانی ناوەڕۆکی ڕیکلامییە، بۆ ئەوەی براندەکان بتوانن خێراتر و بە ئاسانترین ناوەڕۆک دروست بکەن. هەروەها، ئامرازەکە دەرفەت دەدات ڤیدیۆکان بەپێی جۆری جەماوەر و ئامانجی کەمپین دەسکاری بکرێن، کە ئەمە کاریگەری ڕیکلامەکان زیاتر دەکات. لەگەڵ ئەو هەموو سوودانەش، هەندێک پسپۆڕ ئاماژە بەوە دەکەن کە پێویستە دڵنیایی، ڕاستگۆیی و کوالێتی ناوەڕۆکی دروستکراو بە AI بە وردی چاودێری بکرێت. زۆربەی شیکارکاران پێیان وایە ئەم هەنگاوە TikTok دەبێتە یەکێک لە گرنگترین گۆڕانکارییەکانی بواری ڕیکلامی دیجیتاڵ لە ساڵی ٢٠٢٦، چونکە ڕێگە بۆ بەرهەمهێنانی ناوەڕۆکی خێراتر، کەم‌تێچوو و کاریگەرتر دەکات و ڕۆڵی AI لە مارکێتینگ زیاتر لە پێشوو بەهێزتر دەکات.