AI چیتر تەنها ترێندێکی مارکێتینگ نییە؛ بەڵکو ئامێرێکی پارە دروستکردنە بۆ ئاژانسەکان
«هەمووان باس لە زیرەکیی دەستکرد دەکەن، بەڵام کێن ئەوانەی بەڕاستی پارەی پێ دروست دەکەن؟ گرووپی پبلسیس (Publicis) بە داتای دارایی سەلماندی کە داواکاریی کڕیاران بۆ مارکێتینگی پشتبەستوو بە AI، بووەتە بزوێنەری سەرەکیی گەشەی بازرگانی.»
بەپێی ئەنجامەکانی چارەکی سێیەمی ساڵی ٢٠٢٦، کۆمپانیای زەبەلاحی (Publicis Groupe) گەشەیەکی ٥٪ی لە داهاتی ئۆرگانیک (Organic Revenue) تۆمارکردووە، کە پێشبینییەکانی بازاڕی (٤.٨٪) تێپەڕاندووە. هاوکات داهاتی پوختەی کۆمپانیاکە بە ڕێژەی ٧.٩٪ بەرزبووەتەوە و گەیشتووەتە ٣.٨١ ملیار یۆرۆ. کۆمپانیاکە بە فەرمی ڕایگەیاندووە کە یەکێک لە هۆکارە سەرەکییەکانی ئەم سەرکەوتنە، زیادبوونی خواستی براندەکانە بۆ ئەو ستراتیژییانەی مارکێتینگ کە پشت بە AI و داتای کڕیار (Consumer Data) دەبەستن.
لەم ماوەیەدا، Publicis توانیویەتی بڕی ٢.٢ ملیار دۆلار کار و گرێبەستی نوێ (New Business) بەدەست بهێنێت. هەروەها بەشی میدیای کۆمپانیاکە کە نزیکەی ٦٢٪ی کۆی داهاتەکەی پێکدەهێنێت، گەشەیەکی بەرچاوی تۆمارکردووە.
بۆچی ئەمە گرنگە بۆ بازاڕی مارکێتینگ؟ چونکە لێرەدا بەڵگەی سەرکەوتنی AI تەنها ڕاپرسییەکی بەکارهێنان (Usage Survey) نییە، بەڵکو داهاتی ڕاستەقینەیە (Revenue). ئەم داتایانە سیگناڵێکی زۆر بەهێزن کە زیرەکیی دەستکرد لە بواری مارکێتینگدا قۆناغی «تاقیکردنەوە»ی تێپەڕاندووە و بەتەواوی بووەتە مۆدێلێکی بازرگانیی (Business Model) جێگیر و قازانجویست.
